سعودی عرب میں ہولناک آتشزدگی کا واقعہ پیش آیا ہے جہاں منطقہ شرقیہ کے شہر الخبر کے شاپنگ مال میں آگ بھڑک اٹھی۔
آج نیوز کے مطابق آگ کو بجھانے کے لئے فائر بریگیڈ کی گاڑیوں سمیت ہیلی کاپٹر کی مدد سے بھی آگ پر قابو پانے کی کوشش جاری ہے۔
عرب میڈیا کے مطابق سول ڈیفنس کی ٹیمیں جائے وقوعہ پر پہنچ گئیں، جو آگ بجھانے میں مصروف ہیں جبکہ سوشل میڈیا پر گردش کرنے والی تصاویر اور ویڈیوز میں مال کی عمارت سے دھواں اٹھتا دکھائی دے رہا ہے۔
سول ڈیفنس ڈائریکٹوریٹ نے بتایا کہ آگ کمپلیکس میں سیلنگ انسولیٹروں میں لگی ہے جبکہ بجھانے کا کام اب بھی جاری ہے، ابھی تک کوئی جانی نقصان نہیں ہوا۔
میڈیا کے مطابق لوگوں کو حادثہ پیش آنے والے علاقے سے دور رہنے کا کہا جارہا ہے جب تک کہ صورتحال مستحکم نہ ہو جائے۔
تاہم ابھی تک کسی کے زخمی ہونے اور جانی نقصان کی اطلاع نہیں ہے
