نیویارک: وزیرخارجہ بلاول بھٹو زرداری نے کہا ہے کہ افغان عوام کو بہت سے مسائل کا سامنا ہے، افغان عوام کی بڑی تعداد غذائی قلت کا شکار ہے۔
وزیرخارجہ بلاول بھٹو نے اقوام متحدہ کی فوڈ سیکیورٹی کانفرنس سے خطاب کرتے ہوئے کہا کہ افغان عوام کو بہت سے مسائل کا سامنا ہے، افغان عوام کی بڑی تعداد غذائی قلت کا شکار ہے، افغان صورتحال کا براہ راست پاکستان پر اثر ہوتا ہے۔
Foreign Minister of Pakistan @BBhuttoZardari speaking at the Ministerial Meeting on "Global Food Security Call to Action".#PakFMAtUN https://t.co/A4hriUCzMW
— PPP (@MediaCellPPP) May 18, 2022
بلاول بھٹو نے مزید کہا کہ پاکستان کو تحفظ خوراک اور توانائی کے چلنجز کا سامنا ہے، عالمی سطح پر تحفظ خوراک یقینی بنانے کیلئے مشترکہ کوششیں درکار ہیں، پاکستان نے افغانستان اور یوکرین کی انسانی ہمدردی کی بنیاد پر مدد کی۔
دوسری جانب وزیرخارجہ بلاول بھٹو نے سی این این کو انٹرویو دیتے ہوئے کہا کہ ڈکٹیٹرز کی وجہ سے انتہا پسندی کا ناسور پیدا ہوا، ہمیں اسلام کا امن کا پیغام دینا ہے، ہم دہشت گردی اور انتہا پسندی کا خاتمہ اور جمہوریت کا فروغ چاہتے ہیں۔
بلاول بھٹو نے کہا کہ افغانستان میں انسانی بحران جنم لے رہا ہے، ہم چاہتے بین الاقوامی برادری افغانستان کی مالی مدد کرے، افغانستان کی ترقی کا پاکستان پر براہ راست اثر پڑے گا۔
وزیرخارجہ بلاول بھٹو نے واضح کیا کہ پاکستان نے نہںج ،امریکا نے طالبان سے براہ راست بات کی۔
