سر پر ڈوپٹہ اوڑھے اور اپنی موٹرسائیکل پر نیلا ڈبہ رکھ کر آمینہ بدین میں واقع اپنے دیہات کی گلی گلی جا کر بچوں کو پولیو کے قطرے دیتی ہیں، جو کہ اس علاقے میں کم ہی دیکھنے میں آتا ہے۔
صوبہ سندھ کے ضلع بدین کی تحصیل ماتلی کی رہائشی آمینہ لیڈی ہیلتھ ورکر کے طور پر اپنی ذمہ داریاں سرانجام دیتی ہیں۔
پاکستان کے کئی علاقوں میں یا تو خواتین موٹرسائیکل نہیں چلاتیں یا انکا ایسا کرنا معیوب سمجھا جاتا ہے۔
لیکن آمینہ کا ماننا ہے کہ عورتوں کے لیے کچھ بھی کرنا ناممکن نہیں۔
وہ کہتی ہیں کہ عورت کمزور نہیں ہوتی لیکن یپ معاشرہ اسے کمزور بنا دیتا ہے۔
ان پر نہ صرف علاقے کے بچوں کو پولیو کے قطرے پلانے کی ذمہ داری ہے بلکہ وہ تنخواہ سے اپنی چھ بہنوں کی کفالت بھی کرتی ہیں۔
