سابق وفاقی وزیر اور رہنما پاکستان تحریک انصاف (پی ٹی آئی) فواد چوہدری نے کہا کہ رانا ثناء اللہ کی پریس کانفرنس آنکھیں بند کر کے سنیں تو لگتا ہے الطاف حسین بول رہا ہے۔

اسلام آباد میں نیوز کانفرنس کرتے ہوئے فواد چوہدری نے کہا کہ پیٹرولیم کے چھوٹے وزیر مصدق ملک کہتے ہیں ہمارے پاس زہر کھانے کے پیسے نہیں لیکن دوسری طرف وہ بیرونی ممالک کے دورے کر رہے ہیں۔

انہوں نے کہا کہ ہمیں معلوم ہی نہیں وزیراعظم ہاؤس میں سوئمنگ پول اور ٹینس کورٹ بھی موجود تھے، یہ سرکار کا پیسہ اُڑایا جا رہا ہے۔ رہنما تحریک انصاف نے کہا کہ رانا ثناء اللہ کی پریس کانفرنس آنکھیں بند کر کے سنیں تو لگتا ہے الطاف حسین بول رہا ہے۔

فواد چوہدری نے مزید کہا کہ عمران فاروق کے قتل کے بعد الطاف حسین بھی رو رہے تھے، رانا ثناء اللہ کی باتیں ایسی ہیں جیسے الٹا چور توال کو ڈانٹے۔ انہوں نے کہا کہ جمعیت علما السلام (جے یو آئی) کی انصار الاسلام ایک عسکری ونگ ہے۔