پاکستان تحریک انصاف (پی ٹی آئی) کے رہنما اور رکنِ قومی اسمبلی عطا اللہ ایڈووکیٹ نے سابق وزیراعظم عمران خان کو ذرا نقصان ہونے کی صورت میں خود کش حملہ کرنے کی دھمکی دے دی۔
ایک ویڈیو بیان میں پی ٹی آئی رہنما نے کہا کہ “ملک چلانے والے سوچ لیں، اگر عمران خان کے بال کو بھی نقصان ہوا تو سب سے پہلے میں خود کش حملہ کروں گا جس سے آپ اور آپ کے بچے بھی محفوظ نہیں رہیں گے۔”
انہوں نے کہا کہ اگر عمران خان کو کچھ ہوا تو میں خود حملہ کروں گا اور اس طرح ہزاروں حملہ آور بھی تیار ہیں۔
اس سے قبل پی ٹی آئی کے نائب صدر اور سابق وزیر خارجہ شاہ محمود قریشی کا بھی ایک بیان میں کہنا تھا کہ اگر حکومت نے عمران خان کو گرفتار کرنے کی کوشش کی تو ملک بھر سے سخت ردِ عمل آئے گا۔
