کوئٹہ: قلعہ سیف اللہ میں قومی شاہراہ پر مسافر وین کھائی میں گرنے سے5بچوں اور5خواتین سمیت 22افراد جاں بحق اوربچہ زخمی ہوگیا۔
بدھ کے روز بلوچستان کے ضلع قلعہ سیف اللہ کے قریب افسوسناک ٹریفک حادثہ پیش آیا جہاں لورالائی سے ژوب جانے والی مسافروین اخترزئی ادولہ کے مقام پر کھائی میں جاگری،جس کے نتیجے میں مسافر وین میں سوار 12مرد،5خواتین اور 5بچےجان کی بازی ہار گئے جبکہ ایک بچہ زخمی ہوگیا۔
اختر زئی موڑ کے مقام پر مسافر وین کھائی میں جاگری#AajNews #AajUpdates pic.twitter.com/jdcXmD5bb5
— Aaj News (@Aaj_Urdu) June 8, 2022
ڈی سی قلعہ سیف اللہ حافظ قاسم کاکڑ کے مطابق حادثہ اخترزئی ادولہ کے مقام پر پیش آیا، ریسکیو اہلکاروں، ضلعی انتظامیہ اور مقامی لوگوں نے ریسکیو آپریشن میں حصہ لیا۔
حادثےمیں جاں بحق افراد اور زخمی بچے کو اسپتال منتقل کردیاگیا اور اسپتال میں ایمرجنسی نافذ کردی گئی ہے۔
