پشاور: خیبر پختونخوا کے 24 اضلاع میں لمپی وائرس سے 5 ہزار135 مویشی متاثر جبکہ 95 مویشی ہلاک ہوگئے۔

شہر میں مویشی منڈیاں تو سج گئیں مگر لمپی اسکن وائرس بھی تیزی کے ساتھ پھیل رہا ہے۔

ڈائریکٹر جنرل لائیو اسٹاک ڈاکٹر عالم زیب کے مطابق مویشی منڈیوں میں سپرے بھی کیا جارہا ہے اور متاثرہ جانوروں کو ویکسینیشن بھی فراہم کی جارہی ہیں۔

ڈاکٹرعالم زیب کا کہنا تھا کہ صوبے کے انٹری اور ایکزٹ پوائنٹس پر چیک پوسٹیں بھی قائم کی گئی ہیں۔

ڈی جی لائیوسٹاک نے بتایا کہ حکومت نے ویکسینیشن کی 2لاکھ 73 ڈوسز فراہم کی ہیں جبکہ صوبے میں مویشیوں کی تعداد 90 لاکھ سے زائد ہے۔

واضح رہے کہ صوبے کے 24 اضلاع میں لمپی وائرس کے کیسز سامنے آئے ہیں۔