اسلام آباد:عوامی مسلم لیگ کے سربراہ شیخ رشید کا کہنا ہے کہ اقتدارحمزہ کاختم ہواہے اورمشتعل فضل الرحمان ہورہے ہیں۔

سماجی رابطے کی ویب سائٹ ٹوئٹر پر اپنے ٹویٹ میں سابق وزیرداخلہ شیخ رشید نے پی ڈی ایم پر تنقید کرتے ہوئے کہا کہ پی ڈی ایم سربراہی اجلاس شرمندگی کا انبار ہوگا، (ن) لیگ واضح طور پر 2 گروپوں میں تقسیم ہونے جارہی ہے، ایک اقتدار میں چمٹے رہنے اور دوسرا الیکشن میں جانے کا حامی ہے۔

اقتدار حمزہ کا ختم ہوا ہے اور مشتعل فضل الرحمن ہو رہے ہے۔ن لیگ2 واضح گروپوں میں تقسیم ہونے جارہی ہے،ایک اقدار میں چمٹے رہنے اور دوسرا الیکشن میں جانے کا حامی ہے۔PDMکا سربراہی اجلاس شرمندگی کا انبار ہوگا۔بجلی 7روپے فی یونٹ اور مہنگی کر دی ہے۔گھی اور پیٹرول مزید مہنگا ہونے جارہا ہے

— Sheikh Rashid Ahmed (@ShkhRasheed) July 27, 2022

شیخ رشید نے مہنگائی کا ذکر کرتے ہوئے کہا کہ بجلی 7 روپے فی یونٹ مزید مہنگی کردی ہے، گھی اور پیٹرول مزید مہنگا ہونے جارہا ہے ۔

سابق وزیرداخلہ نے حکومت پرتنقید کرتےہوئے کہا کہ 2 ووٹوں کی حکومت کے لیے نئے انتخابات ہی واحد راستہ رہ گیا ہے، لوگ مسائل میں مررہے ہیں اور حکومت میڈیا میڈیا کھیل رہی ہے۔

2 ووٹوں کی حکومت کے لیے نیا الیکشن ہی واحد راستہ رہ گیا ہے۔لوگ مسائل میں مر رہے ہیں اور حکومت میڈیا میڈیا کھیل رہی ہے۔حکومت سپریم کورٹ کے بارے میں دھمکیاں اور نازیبا زبان استعمال کر رہی ہے۔آپ کو اثاثے بیچنے کی پڑی ہے جبکہ سٹاک ایکسچینج کریش ہو رہی ہے اور ڈالر 250 کا ہونے جارہا ہے

— Sheikh Rashid Ahmed (@ShkhRasheed) July 27, 2022

شیخ رشید نے مزید کہا کہ حکومت سپریم کورٹ کے بارے میں دھمکیاں اور نازیبازبان استعمال کررہی ہے، آپ کو اثاثے بیچنے کی پڑی ہے جبکہ اسٹاک ایکسچینج کریش ہورہی ہے اور ڈالر 250 روپے کا ہونے جارہا ہے۔

شیری مزاری کی مریم اورنگزیب پر تنقید

پی ٹی آئی کی رہنما شیری مزاری نے مریم اورنگزیب کو تنقید کا نشانہ بناتے ہوئے کہا کہ لوبی بی !ہم توعوامی مینڈیٹ اور دستور وقانون کی جیت پراللہ کا شکریہ ادا کرتے ہوئےخوشیاں منانے لگے ہیں تم اب دل کھول کررولو،چیخ لو، پیٹ لواور دل کرے تودیوارمیں ٹکریں بھی مارلو !!عوام نوں تے سانوں کی۔

لو بی بی! ہم تو عوامی مینڈیٹ اور دستور و قانون کی جیت پر اللہ کا شکر ادا کرتے ہوئے خوشیاں منانے لگے ہیں تم اب دل کھول کر رو لو، چیخ لو، پیٹ لو اور دل کرے تو دیوار میں ٹکریں بھی مار لو!! عوام نوں تے سانوں کی!!! 😏#پنجاب_تحریک_انصاف_کا
#عوام_کی_جیت pic.twitter.com/SnwLbbh3cp

— Shireen Mazari (@ShireenMazari1) July 27, 2022