اسلام آباد: کور کمانڈر پشاور لیفٹیننٹ جنرل فیض حمید کو کور کمانڈر بہاولپور تعینات کردیا گیا۔
پاک فوج کے شعبہ تعلقات عامہ (آئی ایس پی آر) کے مطابق جنرل فیض حمید کو کور کمانڈر بہاولپور تعینات کرتے ہی لیفٹیننٹ جنرل سردار حسن اظہر حیات فیض حمید کی جگہ کور کمانڈر پشاور تعینات ہوگئے۔
آئی ایس پی آر نے بتایا کہ لیفٹیننٹ جنرل خالد ضیاء کو ملیٹری سیکرٹری کے عہدے پر تعینات کردیا گیا ہے۔
واضح رہے کہ لیفٹیننٹ جنرل فیض حمید اس سے قبل ڈائریکٹر جنرل آئی ایس آئی اور کور کمانڈر پشاور کے عہدے پر اپنے فرائض انجام دے چکے ہیں۔
