پی ٹی آئی کی لابنگ؟ شفاعت علی کےالزام پرالجزیرہ کے صحافیوں کا ردعمل

ممکری آرٹسٹ نے ویڈیوشیئرکرتے ہوئے امریکی فرم کی لابنگ کا الزام عائدکیا تھا
ویب ڈیسک
اپ ڈیٹ 26 اگست 2022 10:26am
دنیا

پاکستانی سیاست میں الزامات کا اونٹ کبھی کسی کروٹ نہیں بیٹھتا، سیاسی جماعتوں سے ہٹ کرحامی بھی مخالفین پر وارکرنے کا ہنربخوبی سیکھ گئے ہیں تو معروف شخصیات بھی اس ’ کارخیر’ میں پیش پیش ہیں۔

حال ہی میں معروف ممکری ( نقالی ) آرٹسٹ شفاعت علی کی جانب سے پاکستان تحریک انصاف پر مقبولیت کے لیے ‘لابنگ’ کروانے کاالزام عائد کیا گیا۔ شفاعت کی جانب سے شیئرکی جانے والی ویڈیوکے کیپشن میں کہا گیا ہے کہ یہ سب امریکا میں پی ٹی آئی کی لابنگ فرم کے زیراہتمام ہوا۔

ویڈیومیں میں الجزیرہ کی صحافی اقوام متحدہ کے ترجمان سے پاکستان کے موجودہ سیاسی حالات کے تناظر میں عمران خان سے متعلق سوال کرتی ہیں جس پروہ جواب میں بتاتے ہیں کہ سیکرٹری یواین جنرل سابق وزیراعظم عمران خان کے خلاف الزامات سے آگاہ ہیں اورانہوں نے ایک آزادانہ قانونی طریقہ کاراختیار کرنے پر زوردیا ہے۔

اس ویڈیوکلپ میں الجزیرہ کی صحافی کےسوال پر’ پہلے سے لکھا گیا جواب“ پڑھنے کی نشاندہی کی گئی ہے۔ شفاعت نے بھی کیپشن میں لکھا “ لابنگ فرم کے فوائد“۔

پاکستان تحریک انصاف کے حامیوں نے اس ٹویٹ پرکیے جانے والے تبصروں میں ممکری آرٹسٹ کو تنقید کا نشانہ بنایا تاہم صحافی جمال خان نے ایک قدم آگے بڑھتے ہوئے الجزیرہ کے دو صحافیوں کے سامنے یہ سوال رکھا کہ ، “ یہ صاحب ( شفاعت ) آپ پرعمران خان کے لیے لابنگ کرنے کا الزام عائد کررہے ہیں ، کیا آپ ان الزامات کی وضاحت کرسکتے ہیں؟ “۔

الجزیرہ انگلش نیویارک نمائندہ کرسٹن سالومے نے ان الزامات کو مضحکہ خیزقرار دیتے ہوئے کہا کہ اس دن پاکستان الجزیرہ کی ٹاپ اسٹوریزمیں شامل تھا، اور میں نے اقوام متحدہ کا ردعمل جاننے کیلئے سوال کیا تھاجس کا ترجمان نےجواب دیا۔

صحافی کے مطابق، “ میں تقریبا ہرروزاسی طرح کے سوالات پوچھتی ہوں اور یہی میرا کام ہے“۔

واشنگٹن ڈی سی میں الجزیرہ انگلش کے سینئرنمائندے ایلن فشر نے بھی الزامات کی تردید کرتے ہوئے کہا کہ یہ پلانٹڈ سوالات نہیں تھے، ٹاپ نیوز ایجنڈا تھا اور ترجمان اقوام متحدہ ان سوالات کی توقع کررہے تھے۔

الجزیرہ کے صحافی نے شفاعت کی ٹویٹ کو چوٹی کے صحافیوں کی کردار کشی کی قابل افسوس کوشش قراردیا۔

Read Comments