محکمہ تعلیم سندھ نے کراچی سمیت صوبے بھر میں مزید دو روز تک تعلیمی ادارے بند رکھنے کا اعلان کیا ہے۔

محکمہ تعلیم نے فیصلہ کیا کہ سرکاری و نجی اسکولز کالجز آئندہ دو بند رہیں گے، سندھ کے کئی اضلاع میں اب بھی سیلابی صورتِ حال ہے۔

حکام کی جانب سے وزیر تعلیم سردار شاہ کو دی گئی بریفنگ میں کہا گیا کہ سندھ کے بیشتر اسکولز میں متاثرین کو ٹھہرایا گیا ہے۔

جس کے بعد وزیر تعلیم نے اعلان کیا کہ جمعہ اور ہفتہ اسکولز بند رہیں گے، اسکولز بندش کے فیصلے کا اطلاق صوبے بھر کے اسکولز میں ہوگا۔

سندھ حکومت نے کراچی کے علاوہ دیگر ڈویژن کی جامعات اور بورڈز کو بھی مزید دو روز بند رکھنے کا فیصلہ کیا ہے۔

وزیر جامعات سندھ اسماعیل راہو کا کہنا ہے کہ کراچی کے علاوہ سندھ کے دیگر ڈویژن میں مزید دو روز تک سرکاری و نجی جامعات اور بورڈز بند رہیں گے۔

اسماعیل راہو کا کہنا ہے کہ حیدرآباد، لاڑکانہ، سکھر، میرپور خاص اور شہید بینظیر آباد سمیت کئی جامعات اور بورڈز میں اب بھی بارش کا پانی کھڑا ہے۔