ایشیا کپ ٹی ٹوئنٹی کے پاکستان بمقابلہ انڈیا ہائی وولٹیج ٹاکرے میں قومی ٹیم کی شکست پر پاکستان تحریک انصاف (پی ٹی آئی) کے رہنما فواد حسین چوہدری نے تبصرہ کرتے ہوئے ٹوئٹ کیا کہ ٹیم کا قصور نہیں امپورٹڈ حکومت ہی منحوس ہے۔
ٹیم کا قصور نہیں امپورٹڈ حکومت ہی منحوس ہے #IndiaVsPakistan
— Ch Fawad Hussain (@fawadchaudhry) August 28, 2022
خیال رہے کہ بھارتی ٹیم پاکستان کے 148 رنز کے تعاقب میں 5 وکٹوں کے نقصان پر آخری اوور میں ہدف حاصل کرنے میں کامیاب رہی۔
ایشیا کپ ٹی20 کا سب سے بڑا مقابلہ آج دبئی میں کھیلا گیا، ایونٹ کے دوسرے ہی میچ میں روایتی حریف پاکستان اور بھارت گروپ اے کے میچ میں ایک دوسرے پر چھپٹے۔
دبئی کرکٹ اسٹیڈیم میں آج ہونے والا میچ پاکستانی وقت کے مطابق شام 7 بجے شروع ہوا، جس میں دونوں ٹیمیں دباؤ کے ساتھ میدان میں اتریں۔
