بھارتی ریاست اُتر پردیش کے شہر متھرا میں ایک شخص انتہائی ہوشیاری سے ریلوے اسٹیشن پر سوئی خاتون کی گود سے سات ماہ کا بچہ لے کر بھاگ کھڑا ہوا۔

بچے کے اغوا کے بعد اتر پردیش پولیس نے اغواکار کی تلاش شروع کر دی ہے۔

واردات کی سی سی ٹی وی فوٹیج سوشل میڈیا پر وائرل ہو رہی ہے۔

ये व्यक्ति रे०स्टेशन मथुरा जं० से अपनी माँ के साथ सो रहे महज 7 माह के बच्चे को उठाकर ले गया।
इस व्यक्ति को पकड़वाने में मदद कीजिये।
आप सिर्फ Retweet कर इसके फ़ोटो/वीडियो को Groups में share कर दीजिये, विशेष कर कासगंज, बदायूँ और बरेली साइड में।
मुझे भरोसा है ये अवश्य पकड़ा जाएगा। pic.twitter.com/fTnuGbSlsi

— SACHIN KAUSHIK (@upcopsachin) August 27, 2022

گورنمنٹ ریلوے پولیس (جی آر پی) کی چار ٹیمیں نامعلوم شخص کو پکڑنے کے لیے تعینات کی گئی ہیں۔

ویڈیو میں اغواکار کو متھرا اسٹیشن کے پلیٹ فارم پر گھومتے ہوئے دکھایا گیا ہے، جو تھوڑی دیر بعد پلیٹ فارم کے فرش پر سوئی خآتون کے پاس پہنچا اور احتیاط سے اس کے بچے کو بازوؤں سے نکال کر پلیٹ فارم پر کھڑی ٹرین کی طرف بھاگا۔

پولیس کے مطابق واقعہ ٹرین اسٹیشن کے پلیٹ فارم نمبر آٹھ نو پر پیش آیا۔

ریلوے پولیس کی ٹیمیں اتر پردیش کے ہاتھرس اور علی گڑھ میں اس قیاس کی بنیاد پر چھاپے مار رہی ہیں کہ یہ شخص دو اضلاع میں سے کسی ایک کی طرف بھاگا ہوگا۔

جی آر پی کے انچارج انسپکٹر سشیل کمار نے کہا کہ مشتبہ شخص کی تصویر آن لائن گردش کر رہی ہے، اور سول پولیس سے بھی تعاون طلب کیا گیا ہے۔

انہوں نے کہا کہ پلیٹ فارم اور متھرا اسٹیشن پر موجود تمام سی سی ٹی وی کیمروں کی جانچ کی جا رہی ہے تاکہ مشتبہ شخص کی تفصیلات اکٹھی کی جا سکیں۔

متھرا جنکشن کے جی آر پی پولیس اسٹیشن میں متعلقہ دفعات کے تحت معاملہ درج کیا گیا ہے۔

پولیس نے اس شخص کی تلاش اور بچے کو گھر واپس لانے کے لیے عوام سے مدد طلب کی ہے۔