سابق وزیر داخلہ شیخ رشید کا کہنا ہے کہ آئی ایم ایف کی جانب سے ملنے والے قرض کی واپسی قوم نے کرنی ہے۔

سماجی رابطے کی ویب سائٹ ٹوئٹر پر جاری بیان میں عوامی مسلم لیگ کے سربراہ شیخ رشید کا کہنا تھا کہ آئی ایم ایف کا قرضہ منظور ہواہے، کوئی جیک پاٹ نہیں لگا، 20 سے زیادہ مرتبہ لیے جانے والے قرض پر جسے اس قوم نے ادا کرنا ہے، وزراء شادیانے بجارہے ہیں۔

آئی ایم ایف کاقرضہ منظور ہواہے,کوئی جیک پاٹ نہیں لگا۔واپسی قوم نےکرنی ہے۔20سے زیادہ مرتبہ لیےقرض پرجوقوم نےاداکرنا ہےوزراءشادیانے بجارہے ہیں۔پانی کاریلہ سڑکوں سے گزرنے کے بعد عوام کاریلہ سڑکوں پرآئےگا۔کروڑوں افرادکی بقاءکی جنگ میں سیاست دان ابھی بھی دست وگریباں ہیں۔ستمبرستمگرہوگا

— Sheikh Rashid Ahmed (@ShkhRasheed) August 30, 2022

انہوں نے مزید کہا کہ پانی کا ریلہ سڑکوں سے گزرنے کے بعد عوام کا ریلہ سڑکوں پر آئے گا، کروڑوں افراد کی بقاء کی جنگ میں سیاست دان ابھی بھی دست وگریباں ہیں، ستمبرستمگرہوگا۔

ایک ٹویٹ میں شیخ رشید کا کہنا تھا کہ بھارت سے تجارت شروع کرنے کے بعد اب یہ اسرائیل کی طرف بڑھیں گے۔

بھارت سے تجارت شروع کرنےکے بعداب یہ اسرائیل کیطرف بڑھیں گے۔سفیدپوش ہی نہیں،صاحب حیثیت بھی بجلی کےبل ادانہیں کر پا رہا۔سیلاب سے مری قوم آسمان کی طرف دیکھ رہی ہے۔سیلاب کے بعد غذائی قلت اور وبائی بحران آئےگا۔عمران خان کی طرح حکمران بھی ٹیلی تھون کرائیں تاکہ انکی مقبولیت کاپتہ چل سکے

— Sheikh Rashid Ahmed (@ShkhRasheed) August 30, 2022

سابق وزیر داخلہ نے کہا کہ سفید پوش ہی نہیں، صاحب حیثیت بھی بجلی کے بل ادا نہیں کر پا رہا، سیلاب سے مری قوم آسمان کی طرف دیکھ رہی ہے، سیلاب کے بعد غذائی قلت اور وبائی بحران آئےگا، عمران خان کی طرح حکمران بھی ٹیلی تھون کرائیں تاکہ ان کی مقبولیت کاپتہ چل سکے۔