Aaj Logo

شائع 13 ستمبر 2022 12:51pm

ڈرامہ ارطغرل کے معروف اداکار سیلاب متاثرین کی مدد کیلئے پاکستان میں

پاکستان میں مقبول ترین تُرک ڈرامہ سیریل ارطغرل غازی کے معروف اداکارجلال آل سیلاب متاثرین کی مدد کے لیے پاکستان پہنچ گئے۔

ارطغرل غازی میں عبدالرحمان الپ کا کردارنبھا کرشہرت سمیٹنے والے جلال آل امدادی سامان کے ہمراہ پاکستان پہنچے ہیں۔

اداکارنے انسٹا گرام پر فالوورز کے لیے پاکستان پہنچنے کے بعد کی ویڈیوزشیئرکیں جن میں وہ سیلاب متاثرہ علاقوں کا دورہ کرنے کے علاوہ ریلیف کیمپس میں بچوں کے ساتھ گھُل مل گئے ہیں۔

ایک ویڈیومیں جلال آل کو برستی بارش میں ڈرائیونگ کرتے ہوئے سیلاب متاثرین کی مدد کرنے کے لیے جاتے دیکھا جاسکتا ہے۔

تُرک اداکارنے سیلاب زدگان کے بچوں میں ڈرامہ سیریل ارطغرل کی مخصوص ٹوپیاں بھی تقسیم کیں اور ان کے ساتھ ‘پاکستان زندہ باد’ کے نعرے لگائے۔

جلال آل نے امدادی سامان کی ترسیل اپنے کندھوں پر لاد کرخود بھی کی۔

انسٹاصارفین کی جانب سے اداکارکے احسن اقدام پرانہیں سراہتے ہوئے تعریفی تبصرے کیے جارہے ہیں۔

Read Comments