قومی کرکٹ ٹیم کے فاسٹ بولر شاہین شاہ آفریدی نے کہا ہے کہ وہ جلد واپس آرہے ہیں، وہ حالیہ دنوں ری ہیب کے سلسلے میں انگلینڈ میں موجود ہیں۔
فاسٹ بولر شاہین شاہ آفریدی نے سماجی رابطے کی ویب سائٹ ٹوئٹر پر ورک آؤٹ کی ویڈیو شیئر کی ہے۔
ویڈیو میں شاہین شاہ آفریدی جم میں ورزش کر رہے ہیں، انہوں نے ویڈیو کے ساتھ یہ بھی لکھا کہ انشاء اللّٰہ میں جلد واپس آ رہا ہوں۔
Almost there! In shaa'Allah. pic.twitter.com/UrNHnjHyEj
— Shaheen Shah Afridi (@iShaheenAfridi) September 12, 2022
شاہین شاہ آفریدی سری لنکا کیخلاف پہلے ٹیسٹ کے دوران گھٹنے کی انجری کا شکار ہوئے تھے جس کے بعدوہ ایشیا کپ سے باہر ہوگئے تھے اورپاکستان کرکٹ بورڈ نے انہیں ری ہیب کیلئے لندن بھیج دیا تھا۔
