ملکہ برطانیہ الزبتھ دوم کی وفات کے بعد ان کی آخری رسومات جاری ہیں اس دوران ملکہ کے تابوت کی سکیورٹی پر مامور ایک گارڈ کی ویڈیو سامنے آئی ہے جسے مسلسل کھڑے رہنے کے بعد سپاہی کو بے ہوش ہو کر گرتے دیکھا جا سکتا ہے۔
یہ واقعہ لندن میں ‘ننز کے زیر استعمال ویسٹ منسٹر ہال’ کے کیٹافالک پلیٹ فارم پر اس وقت پیش آیا جب ایک محافظ کھڑے کھڑے تھک کر توازن کھو بیٹھا، پہلے اس کے قدم لڑکھڑائے اور پھر اگلے لمحے وہ منہ کے بل زمین پر جا گرا۔
یہ منظر دیکھ کر دونوں طرف کے ہجوم میں سے کچھ اس کی طرف متوجہ ہوئے اور زور سے چلائے۔ دو پولیس والے گرنے والے محافظ کی مدد کے لیے دوڑے تاہم لوگ اور انتظامیہ لڑکھڑاتے سکیورٹی گارڈ کی طرف توجہ نہ کر سکے۔
جہاں تک ملکہ کے تابوت کی حفاظت کی بات ہےتو یہ ایک خصوصی یونٹ کے گارڈ کے ارکان کے ذریعہ چوبیس گھنٹے انجام دی جاتی ہے۔
یہ ذمہ داری سویرینز باڈی گارڈ کے نام سے قائم گارڈز کے سر ہوتی ہے، یہ ادارہ شاہی خاندان کے افراد کے ساتھ ساتھ شاہی محلات اور قلعوں کی حفاظت کا ذمہ دار ہے۔
