وفاقی حکومت نے ریٹیلر کے لیے پیراسیٹامول ادویات پر مارجن مقرر کر دیا جس کے تحت اب کمپنیاں ریٹیلر کو 15 فی صد تک مارجن دے سکیں گی۔

حکومت نے پیراسیٹامول گولیوں، سسپنشن اور سیرپ مارجن کی حد مقرر کرنے سے متعلق نوٹیفکیشن جاری کر دیا۔

حکومتی فیصلے کے مطابق کمپنیاں ریٹیلر کو پیراسیٹامول پر 15 فیصد تک مارجن دے سکیں گی جب کہ ادویات ساز کمپنیوں نے وزارت نیشنل ہیلتھ سروسز کے نوٹیفکیشن پر اعتراض اٹھادیا ہے۔

چیئرمین پاکستان فارما سوٹیکل مینوفیکچررز ایسوسی ایشن منصور دلاور نے کہا ہے کہ حکومت نے پیراسیٹامول کی قیمت بڑھانے کے بجائے مارجن کم کیا ہے جب کہ پہلے کمپنیاں کم از کم 15 فیصد ڈسکاؤنٹ مارجن دینے کی پابند تھیں۔