وفاقی وزیر داخلہ رانا ثنا اللہ نے چیئرمین تحریک انصاف عمران خان کو خبردار کرتے ہوئے کہا کہ اگر یہ اب دارالحکومت آئے تو پکڑے جائیں گے۔

ایک بیان میں رانا ثنا اللہ نے کہا کہ عمران خان نے اسلام آباد کا رخ کیا تو پکڑے جائیں گے، اس بار گرفتار ہونے کے امکانات بھی ہیں کیونکہ دارالحکومت کی جانب مسلح جتھہ لے جانا جرم ہے۔

وزیر داخلہ نے آرمی چیف کی تعیناتی سے متعلق گفتگو کرتے ہوئے کہا کہ ہم فوج کے سپہ سالار کی تعیناتی قانون کے مطابق کریں گے۔

ان کا مزید کہنا تھا کہ پرویز الہی بھی عمران خان سے تنگ ہیں، آئین کا آرٹیکل 63 اے کا فیصلہ سب سے بڑی رکاوٹ ہے اور اگر اس فیصلے پر نظر ثانی ہوجائے تو 3 دن میں پنجاب میں حکومت تبدیل ہوجائے گی۔