کراچی میں پولیو وائرس پھیلنے کا خدشہ بڑھ گیا ہے، شہر کی انتالیس یوسیز کی سیوریج میں پولیو وائرس کی تصدیق ہوگئی ہے۔

بلدیہ، گڈاپ، ناظم آباد اور کیماڑی کی یوسیز میں پولیو وائرس پایا گیا ہے۔

تمام 39 یوسیز میں ہنگامی بنیادوں پر انسداد پولیو مہم شروع کرنے کا فیصلہ کیا گیا ہے، 26 ستمبر تا دو اکتوبر انسداد پولیو مہم چلائی جائے گی۔

سندھ میں گزشتہ دو سالوں سے پولیو وائرس کا کیس رپورٹ نہیں ہوا ۔

دوسری جانب ملک بھر میں رواں سال پولیو کے 19 کیسز کی تصدیق ہوچکی ہے۔