خیبرپختونخوا کے دو سو سے زائد بلدیاتی نمائندوں نے پاکستان تحریک انصاف میں شمولیت کا اعلان کردیا۔ شمولیتی تقریب وزیراعلیٰ ہاؤس میں منعقد ہوئی۔

بلدیاتی نمائندوں نے پی ٹی آئی پر مکمل اعتماد کا اظہار کیا۔

ویلیج اور نیبر ہوڈ چیئرمین سمیت 200 نمائندے پی ٹی آئی میں شامل ہوئے۔

اس حوالے سے وزیراعلیٰ کے پی محمود خان کا کہنا تھا کہ پی ڈی ایم میں سیاسی جماعتوں کے صرف نام رہ جائیں گے، ملک میں تحریک انصاف کا مقابلہ ناممکن بن چکا ہے۔

انہوں نے کہا کہ عمران خان کو ہر مکتبہ فکر کا مکمل اعتماد حاصل ہے۔