فواد خان کا کہنا ہے کہ انہوں سلطن راہی والی مولا جٹ کے صرف چند مناظر دیکھ رکھے تھے اور پنجابی چونکہ بولنی نہیں آتی تھی اس لیے کچھ سمجھ بھی نہیں آتی تھی۔
اداکار فواد خان ایکشن سے بھرپور پنجابی فلم دی لیجنڈ آف مولاجٹ کے ذریعے بڑی اسکرین پر واپسی کیلئے تیار ہیں، فلم دی لیجنڈ آف مولاجٹ 13 اکتوبرریلیز کی جائیگی
حال ہی میں ایک انٹرویو کے دوران فواد خان نے کہا کہ میری یادداشت بہت کمزور ہے جو میں نے فلم میں پنجابی زبان کے جو الفاظ بولے تھے ،وہ اب بھول چکا ہوں گا،یقیناً فلم دیکھوں گا اور اپنے ڈائیلاگ سنوں گا تو پھر سے ان کے مطلب پوچھوں گا،مجھے پنجابی بالکل بھی بولنی نہیں آتی،میرے گھر میں بھی کبھی پنجابی بولنے والا ماحول نہیں رہا۔
مولاجٹ کے کردار سے متعلق انہوں نے کہا کہ یہ تو مذاق کی بات ہے لیکن مولاجٹ کے کردار کو کرنے کیلیے میری ریسرچ خاصی محدود تھی۔
انہوں نے کہاکہ مولاجٹ پرانی فلم تھی، میں نے ساری فلم دیکھی بھی نہیں تھی صرف چند مناظر دیکھ رکھے تھے اور پنجابی چونکہ بولنی نہیں آتی تھی اس لیے کچھ سمجھ بھی نہیں آتی تھی۔
انہوں نے کہاکہ کہانی کے حساب سے دیکھیں تو مولاجٹ مختلف دور کی فلم ہے اور دا لیجنڈ آف مولاجٹ آج کے دور کی فلم ہے، جس طرح سے سلطان راہی نے مولاجٹ کے کردار کو کیا تھا اس کو اسطرح کرنا میرے لیے ناممکن تھا۔
انہوں نے اعتراف کیا کہ سلطان راہی کے کریڈٹ پر جتنا بہترین کام ہے وہ اس کے قریب بھی نہیں پہنچ سکتے۔
فواد خان کی نئی فلم دی لیجنڈ آف مولاجٹ آئندہ ہفتے 13 اکتوبر پاکستان بھر میں ریلیز ہونے جارہی ہے۔
