نیوزی لینڈ میں کھیلے جانے والی سہہ فریقی ٹی 20 سیریز کے تیسرے میچ میں نیوزی لینڈ نے بنگلادیش کے خلاف ٹاس جیت کر پہلے فیلڈنگ کا فیصلہ کیا ہے۔

کرائسٹ چرچ کے ہاگلے اوول اسٹیڈیم میں نیوزی لینڈ کی قیادت کین ولیمسن کررہے ہیں جبکہ مہمان ٹیم بنگلادیش کے کپتان آل راؤنڈر شکیب الحسن ہیں۔

میچ کا ٹاس کیوی کپتان کین ولیمسن نے جیت کر بنگلہ دیش کو بیٹنگ کی دعوت دی۔

آج نیوزی لینڈ اور بنگلا دیش کی ٹیمیں اپنا دوسرا میچ کھیل رہی ہیں، دونوں ٹیموں کو پہلے میچ میں پاکستان کے ہاتھوں شکست ہوئی تھی۔

پاکستان نے بنگلہ دیش کو 21 رنز سے شکست دی تھی جبکہ میزبان نیوزی لینڈ کو 6 وکٹوں سے ہرایا تھا۔