کراچی میں بڑھتے ہوئے جرائم کے واقعات میں متعدد افراد زخمی ہوئے ساتھ ہی ایک شخص اپنی جان گنوا بیٹھا ہے۔

کراچی کے علاقے نارتھ ناظم آباد بلاک (اے) دلپسند مھٹائی کے قریب ڈکیتی مزاحمت پر فائرنگ 1 شخص زخمی ہوگیا جبکہ واقعے میں زخمی شخص کی شناخت 27 سالہ عمر ولد سرور حسین کے نام سے ہوئی ہے۔

ناگن چورنگی (کے ڈی اے) فلیٹ کے قریب ڈکیتی مزاحمت پر فائرنگ ایک شخص زخمی ہوگیا، زخمی سجاد ولد عبدالمجید 22 سالہ زخمی کوعباسی شہید ہسپتال منتقل کردیا گیا۔

دوسری جانب نیوکراچی اللہ والی بس اسٹاپ کے قریب نامعلوم افراد کی فائرنگ کی زد میں آگر ایک شخص جاں بحق ہوگیا، جبکہ ریسکیو ٹیم نے لاش کو عباسی شہیداسپتال منتقل کردیا۔

پولیس نے بتایا کہ واقعہ ابتدائی طورپرڈکیتی کےدوران مزاحمت کامعلوم ہوتا ہے۔

سرجانی ٹاؤن میں ڈکیتی مزاحمت پر فائرنگ کے دوران فائرنگ سے 30 سالہ امجد جاں بحق ہوگیا جبکہ مقتول دکان سے گھر جارہا تھا گھرکے پاس واقعہ پیش آیا۔