پاکستانی اداکار عمران اشرف نے اہلیہ کرن اشفاق سے علیحدگی کی تصدیق کردی۔

انسٹاگرام پر ایک پوسٹ کے ذریعے اہلیہ سے علیحدگی کا اعلان کیا، عمران اشرف نے انسٹا اسٹوری میں بتایا کہ انہوں نے اپنی اہلیہ سے علیحدگی اختیار کرلی ہے۔

انہوں نے لکھا کہ ان کیلئے سب سے اہم ان کا بیٹا ہے جس کیلئے وہ دونوں بہترین والدین بننے کی کوشش کریں گے۔

اداکار نے میڈیا اور مداحوں سے درخواست کی کہ وہ اس مشکل وقت میں ان کی ذاتی زندگی کا احترام کریں۔

خیال رہے کہ عمران اشرف نے جولائی 2018 میں ماڈل و اداکارہ کرن اشفاق حسین ڈار سے شادی کی تھی۔

تاہم رواں برس 12 اگست کو اس وقت دونوں کی علیحدگی کے بارے میں چہ میگوئیاں اس وقت شروع ہوگئی تھیں جب ان کی سابقہ اہلیہ کرن نے انسٹاگرام سے عمران اشرف کی تصاویر ڈیلیٹ کرکے نام تبدیل کیا تھا۔