چیف جسٹس عمرعطاء بندیال نے سپریم کورٹ میں ججزکی تقرری کے لئے جوڈیشل کمیشن کا اجلاس 24 اکتوبر کو طلب کرلیا۔

چیف جسٹس نے سپریم کورٹ کے لئے ہائیکورٹ کے 4 ججز کے نام تجویز کردیئے۔

مزید پڑھیں: سپریم کورٹ میں ججز کی تقرری، جوڈیشل کمیشن نےنامزد کردہ تمام نام مسترد کردیے

اسلام آباد ہائیکورٹ کے چیف جسٹس اطہر من اللہ، لاہور ہائیکورٹ کے جسٹس شاہد وحید، سندھ ہائیکورٹ کے جسٹس سید حسن اظہر رضوی اور جسٹس شفیع صدیقی کے نام سپریم کورٹ کے لئے نامزد کیے گئے ہیں۔

قبل ازیں 28جولائی کو ہونے والے جوڈیشل کمیشن کے اجلاس میں پشاور ہائیکورٹ کے چیف جسٹس قیصر رشید، لاہور ہائیکورٹ کے جسٹس شاہد وحید، سندھ ہائیکورٹ کے جسٹس اظہر رضوی، جسٹس شفیع صدیق اور جسٹس نعمت کے ناموں پر غور کیا گیا تھا۔

جوڈیشل کمیشن نے ان ناموں کو مسترد کردیا تھا جبکہ نامزد ناموں پر 4 اراکین نے حق جبکہ 5 نے مخالفت میں رائے دی تھی۔