Aaj Logo

شائع 21 اکتوبر 2022 12:28pm

شان مسعود پریکٹس کے دوران سر پر گیند لگنے سے زخمی

میلبرن میں پریکٹس کے دوران قومی ٹیم کے بیٹر شان مسعود کے سر پر گیند لگ گئی،جس سے شان مسعود زخمی ہوگئے۔

قومی کرکٹ ٹیم ٹی 20ورلڈ کپ کے لئے میلبرن میں موجود ہے جہاں 23 اکتوبر بروز اتوار کو پاکستان اوربھارت کے درمیان اہم میچ کھیلا جائے گا، جس کے لئے قومی ٹیم کی بھرپور تیاریاں جاری ہیں۔

پریکٹس سیشن کے دوران آل راؤنڈر محمد نواز نے شاٹ مارا جس پر گیند شان مسعود کو جالگی، جس کے باعث وہ زخمی ہوگئے۔

شان مسعود کو اسپتال لے جایا گیا، جہاں ان کے ضروری اسکینز کے بعد ڈاکٹر ان کی انجری کا جائزہ لیں گے۔

آئی سی سی ورلڈکپ میں روایتی حریف کے خلاف میچ میں شان مسعود شرکت کرسکیں گے یا نہیں، اس کا انحصار ان کی میڈیکل رپورٹس پر ہوگا۔

Read Comments