وزیراعظم شہباز شریف دو روزہ دورے پر سعودی دارالحکومت ریاض پہنچ گئے، ان کے ہمراہ وفاقی وزیر خزانہ اسحاق ڈار بھی موجود ہیں۔

دارالحکومت ریاض پہنچنے پر ڈپٹی گورنر شہزادہ محمد بن عبدالرحمان بن عبدالعزیز نے وزیراعظم کا استقبال کیا، اس موقع پر پاکستانی سفیر امیر خرم راٹھور سمیت دیگر سفارتی افسران نے بھی خیر مقدم کیا۔

شہباز شریف سعودی سرمایہ کاری کانفرنس ’فیوچر انویسٹمنٹ سمٹ‘ میں بھی شریک ہوں گے۔

کل سے شروع ہونے والے دو روزہ دورے کے دوران وزیراعظم سعودی ولی عہد شہزادہ محمد بن سلمان سے ملاقات کریں گے۔

وزیراعظم سعودی ولی عہد سے ملاقات میں دونوں ممالک کے درمیان اقتصادی شعبے میں کثیر جہتی تعاون کو مزید مضبوط بنانے اور دیرینہ برادرانہ تعلقات میں مزید بہتری کے حوالے سے مشاورت کریں گے۔