سوشل میڈیا ایپس کا استعمال صارفین کو اپنا اتنا عادی بنا چکا ہے کہ کوئی ایک ایپ ڈاؤن ہوتے ہی سب کو تشویش لاحق ہو جاتی ہے اور فوراً سے متبادل کا رخ کیا جاتا ہے۔

پاکستان سمیت دنیا کے مختلف ممالک میں واٹس ایپ سروس میں خلل آنے سے صارفین کو مشکلات کا سامنا ہے۔

واٹس ایپ کے استعمال میں مشکلات کا سامنا کرنے والے صارفین نے فوراً سے ٹوئٹر کا رخ کر کے مسئلے کی نشاندہی کی۔

پاکستانی صارفین سمیت دنیا بھرسے صارفین نے شکایت کی کہ وہ گروپس اور انفرادی سطح پرپیغامات بھیجنے سے قاصرہیں، بیشترصارفین اس مسئلے کی وجہ جاننے کے بھی خواہشمند نظرآئے۔

متعدد سوشل میڈیا صارفین کی رگ ظرافت پھڑکی اور انہوں نے واٹس ایپ کے عادی افراد کے ٹوئٹر کا رُخ کرنے کو دلچسپ میمز کی صورت میں بیان کیا۔

تاحال کمپنی کی جانب سے واٹس ایپ سروس ڈاؤن ہونے سے متعلق کسی قسم کا کوئی وضاحتی بیان سامنے نہیں آیا ہے۔