عدالت نے دس سالہ بچی کا ریپ کیس ملزم اسد اللہ کھوسو پر ثابت ہونے پر پھانسی کی سزا سنادی۔

کندھ کوٹ کی ماڈل کرمنل عدالت میں بچی سے زیادتی کیس کی سماعت ہوئی۔

فرسٹ ایڈیشنل سیشن جج محمد علی قریشی نے ڈی این اے ٹیسٹ پازٹیو آنے اور ریپ کیس ثابت ہونے پر ملزم اسد اللہ کھوسو کو 10 لاکھ روپے جرمانے سمیت پھانسی کی سزا سنادی۔

جس کے بعد عدالت نے ملزم کو فوری طور پر سکھر سینٹرل جیل منتقل کرنے کا حکم دے دیا۔

یاد رہے کہ ملزم نے 30 ستمبر 2021 کو بچی کو جنسی زیادتی کا نشانہ بنایا تھا۔