چیئرمین پاکستان تحریک انصاف عمران خان نے توہین عدالت کیس میں سپریم کورٹ میں جواب جمع کراتے ہوئے اپنی طرف سے کرائی جانے والی پی ٹی آئی لیڈر شپ کی یقین دہانیوں سے لاعلمی ظاہرکی ہے۔

عمران خان نے عدالت کوکرائی گئی یقین دہانی سےاظہارلاعلمی ظاہر کرتے ہوئے کہا کہ سپریم کورٹ کےکسی حکم کی خلاف ورزی کا سوال ہی پیدا نہیں ہوتا ، پارٹی لیڈر شپ کی جانب سے میری طرف سےکرائی گئی کسی یقین دہانی کامجھےعلم نہیں۔

انہوں نے تفصیلی جواب جمع کرانے کیلئے 3 نومبرتک مہلت مانگتے ہوئے کہا کہ ہم عدالت کا احترام کرتے ہیں۔