جوڈیشل کمیشن آف پاکستان نے جسٹس عامر فاروق کو نئے چیف جسٹس اسلام آباد ہائی کورٹ تعینات کرنے کی سفارش کردی۔

اسلام آباد میں چیف جسٹس آف پاکستان جسٹس عمر عطاء بندیال کی زیرِ صدارت جوڈیشل کمیشن کا اجلاس ہوا۔

اجلاس میں جسٹس اطہر من اللہ کی بطور سپریم کورٹ جج تعیناتی کی سفارش کے بعد اسلام آباد ہائی کورٹ کے چیف جسٹس کی تعیناتی کے لئے ہائی کورٹ کے سینئر ترین جج عامر فاروق کے نام پر غور کیا گیا۔

جوڈیشل کمیشن نے غور کے بعد جسٹس عامر فاروق کو بطور چیف جسٹس اسلام آباد ہائی کورٹ تعینات کرنے کی سفارش کردی۔

خیال رہے کہ جسٹس عامر فاروق جنوری 2015 میں اسلام آباد ہائی کورٹ کے جج تعینات ہوئے تھے۔