رہنما پاکستان تحریک انصاف (پی ٹی آئی) مسرت جمشید کا کہنا ہے کہ حقیقی آزادی مارچ کے ساتویں روز کا آغاز دوپہر 1 بجے کوٹ خضری سے ہوگا۔

ایک ٹویٹ میں مسرت جمشید نے لکھا کہ حقیقی آزادی مارچ کے ساتویں روز کا آغاز دوپہر 1 بجے کوٹ خضری سے ہوگا جب کہ اگلا پڑاؤ مولانا ظفر علی خان چوک پر ہوگا جہاں چیئرمین تحریک اںصاف عمران خان عوامی اجتماع سے خطاب کریں گے۔

انہوں نے کہا کہ کل آخری پڑاؤ اولڈ کچہری چوک وزیر آباد ہوگا اور مرکزی خطاب اولڈ کچہری چوک پر ہی ہوگا۔

واضح رہے کہ پی ٹی آئی حقیقی آزادی مارچ کے چھٹے روز کا مرحلہ گھکڑ منڈی پر اختتام پزیر ہوا جب کہ لانگ مارچ کے پانچویں روز کا اختتام گوجرانوالا کے علاقے گودلاوالا میں ہوا تھا۔