سپریم کورٹ کیلئے جسٹس اطہر من اللہ کے نام کی منظوری دیدی گئی۔

رکن قومی اسمبلی ڈاکٹر فہمیدہ مرزا کی صدرات میں اعلیٰ عدلیہ میں ججز تقرریوں کے حوالے سے پارلیمانی کمیٹی کا اجلاس ہوا۔

اجلاس میں جوڈیشل کمیشن کی سفارشات کا جائزہ لیا گیا، جس میں کمیٹی نے سپریم کورٹ کیلئے جسٹس اطہر من اللہ کے نام کی منظوری دے دی۔

اجلاس میں اسلام آباد ہائیکورٹ کے چیف جسٹس کیلئے جسٹس عامر فاروق کے نام کی منظوری بھی دے دی گئی۔

اجلاس میں جسٹس شاہد وحید، جسٹس سید حسن اظہر کے ناموں کی منظوری سے متعلق فیصلہ 10 نومبر کو ہونیوالے اجلاس میں کیا جائیگا۔