آسٹریلیا میں آئی سی سی ٹی 20 ورلڈکپ کی سیمی فائل لائن اپ مکمل ہوگئی، سنسنی خیز میچز کے بعد گروپ اے سے نیوزی لینڈ اور انگلینڈ جبکہ گروپ بی سے پاکستان اور بھارت کی ٹیمیں جگہ بنانے میں کامیاب ہوئی ہیں۔

ٹاپ 4ٹیموں کے مابین پہلا سیمی فائنل پاکستان اور نیوزی لینڈ کے مابین 9 نومبر کو سڈنی کرکٹ گراؤنڈ میں کھیلا جائے گا جبکہ دوسرے سیمی فائنل میں انگلینڈ اور بھارت کی ٹیمیں مدمقابل ہوں گی، یہ میچ ایڈیلیڈ میں کھیلاجائے گا۔

سیمی فائنل جتنے والی دونوں ٹیموں کے درمیان فائنل 13 نومبر اتوار کو میلبرن کرکٹ گراؤنڈ میں کھیلا جائے گا۔

آج کھیلے گئے پہلے میچ میں نیدرلینڈ ز نے جنوبی افریقا کو اپ سیٹ کرتے ہوئے 13 رنز سے شکست دے کر ٹی 20 ورلڈ کپ سے باہر کردیا تھا جبکہ دفاعی چیمپئن آسٹریلیا پہلے ہی میگا ایونٹ سے باہر ہوچکا ہے۔

ادھر نیدرلینڈ کے ہاتھوں جنوبی افریقا کی شکست کے بعد پاکستان اور بنگلہ دیش کا گروپ میچ کوارٹر فائنل کی صورت اختیار کرگیا تھا۔

اس اہم میچ میں پاکستان نے بنگلہ دیش کو 5 وکٹوں سے شکست دے کر ٹی 20 ورلڈ کپ کے سیمی فائنل میں جگہ بنائی۔