سابق آسٹریلوی آل راؤنڈر شین واٹسن نے بھی آئی سی سی ٹی 20 ورلڈ کپ کے فائنل میں پاکستان اوربھارت کو مدمقابل دیکھنے کی خواہش ظاہرکردی۔

آسٹریلیا میں میڈیا سے گفتگو کرتے ہوئے شین واٹسن نے کہا کہ روایتی حریفوں کے درمیان 2007 کے فائنل میں مقابلہ ہوا تھا، اب ہرکوئی ایک بارپھر فائنل میں ان دونوں ٹیموں کو دیکھنا چاہے گا۔

پاکستان ٹیم کے حیران کن طور پر سیمی فائنل میں پہنچنے سے متعلق شین واٹسن کا کہنا تھا کہ کئی مرتبہ ایسا ہوا ہے کہ ایک ٹیم لائن کراس کرچکی ہوتی ہے پھرایسا راستہ ملتا ہے کہ فائنل جیت جاتی ہے، پاکستان ٹیم سیمی فائنل میں آزاد ہو کرکھیلے گی کیونکہ کسی کو بھی ان کے سیمی فائنل میں پہنچنے کی توقع نہیں تھی۔

سابق آسٹریلوی کرکٹر نے مزید کہا کہ بدقسمتی سے وہ 23 اکتوبرکومیلبرن میں پاک بھارت مقابلہ نہیں دیکھ سکے تھے، سب نے یہی کہا کہ یہ بہت اسپیشل میچ تھا۔