سرائے عالمگیر: تحریک انصاف کے لانگ مارچ کی کامیابی کے لئے پولیس ورکرز سے بھی ایک قدم آگے نکل گئی۔

انتظامیہ نے حقیقی آزادی مارچ کے لئے شہر کے تمام بازار بند جب کہ ٹریفک کے لئے متبادل راستہ بھی فراہم کردیا۔

عمران خان حقیقی آزادی مارچ کے شرکاء سے ویڈیو کے لنک کے ذریعے شام ساڑھے 7 بجے خطاب کریں گے جس کے لئے پنڈال میں بڑی اسکرین بھی نصب کردی گئی ہے۔

دوسری جانب سرائے عالمگیر مارچ کے شرکاء کا لہو گرمانے کے لئے ایس ایچ او پولیس ڈھولچی لے کر پنڈال پہنچے، ڈھول ٹیم لانے والے ایس ایچ او کے سر پر شرکاء نے 100 اور ہزار ہزار نوٹوں کی برسات کر ڈالی۔

واضح رہے کہ پی ٹی آءی نائب چیئرمین شاہ محمود قریشی کی قیادت میں گجرات سے روانہ ہوا جو سرائے عالمگیر پہنچ چکا ہے۔