لاہورکےعلاقے چوہنگ میں پراسرار طور پر ریموٹ کنٹرول طیارہ گرگیا جس میں چھوٹا جاسوسی کیمرہ لگا ہوا ہے۔
ریموٹ کنٹرول طیارہ علی ٹاون ٹرمینل اورنج لائن کے قریب گرا، واقعے اطلاع ملتے ہی بم ڈسپوزل اسکواڈ اورپولیس ٹیم موقع پر پہنچ گئیں۔
پولیس نے بتایا کہ طیارے میں کسی قسم کا بارودی مواد نہیں ملا لیکن اس میں چھوٹا جاسوسی کیمرہ لگا ہوا ہے۔ پولیس کی جانب سے مختلف زاویوں سے تحقیقات کا آغازکردیا ہے۔
ذرائع کے مطابق طیارہ گزشتہ رات اورنج ٹرین کے اسٹبلنگ یارڈ کے خالی ٹریک پرگرا ۔
ذرائع نے مزید بتایا کہ اسپیشل پروٹیکشن یونٹ نے گرنے والے ڈرون کو قبضے میں لیا گیا، ایس پی یو نے پولیس کو ایمرجنسی کال کرکے بھی اسٹبلنگ یارڈ بلایا۔
پولیس کی جانب سے ڈرون طیارہ سے متعلق تحقیقات کی جارہی ہیں جبکہ ماس ٹرانزٹ اتھارٹی اورکمشنرآفس بھی اعلیٰ سطح پرتحقیقات کررہے ہیں۔
ذرائع کے ڈرون گرنے سے متعلق حساس اداروں نے بھی تحقیقات شروع کردی ہیں۔
سیکیورٹی اداروں کی جانب سے ڈرون میں نصب کیمرےاوردیگرسامان کی چیکنگ کی جارہی ہے۔
