عمران خان پر حملے کی ایف آئی آر کے معاملے پر عدالت نے مقدمہ کے اندراج کے لئے دائر کی گئی رٹ خارج کر دی۔

پی ٹی آئی کے رہنما زبیر نیازی اس مقدمہ میں مدعی بننا چاہتے تھے، اس کیلئے انہوں نے مقدمہ کے اندراج کے لئے اے 22 کی رٹ دائر کی تھی۔

ایڈیشنل اینڈ سیشن جج قاسم علی بھٹی کی عدالت میں کیس کی سماعت ہوئی، جس میں بحث کے بعد فاضل عدالت نے مقدمہ کے اندراج کی درخواست مسترد کر دی۔

پولیس نے وقوعہ کی ایف آئی آر اپنی مدعیت میں درج کروا دی۔

عدالت کی طرف سے تفصیلی فیصلہ بعد میں جاری کیا جائے گا۔