وزیر خارجہ بلاول بھٹو زرداری کا کہنا ہے کہ پاکستان نے جی 77 اجلاس میں موسمیاتی انصاف کیلئے آواز بلند کی، کوپ 27 نے موسمیاتی نقصانات کے ازالے کیلئے عالمی فنڈ قائم کردیا۔

اپنے ٹوئٹر بیان میں بلاول بھٹو زرداری نے کہا کہ پاکستان نے موسمیاتی تبدیلی کے نقصانات کا مقدمہ دنیا میں لڑا، میں نے جی 77 میں پاکستان کیلئے موسمیاتی انصاف پر بات کی۔

ان کا کہنا تھا کہ ہم نے مطالبہ کیا کہ ازالے کی تجویز کو ایجنڈا کا حصہ بنایا جائے، پاکستان کی حمایت پر جی 77 کے اراکین کا شکریہ ادا کرتا ہوں۔