فٹبال کا عالمی کپ قطر میں جاری ہے لیکن فیفا کا جنون پاکستان میں بھی سر چڑھ کر بول رہا ہے۔ کراچی کے نوجوان نے فٹبال ورلڈ کپ کیلئے ایک ریپ سانگ بھی تیار کیا ہے۔

کراچی والوں کو فٹبال کے جادو نے جکڑا ہوا ہے، ایک طرف جہاں ملیر میں میچز دکھانے کیلئے بڑی اسکرینیں لگائی گئیں، وہیں ایک نوجوان نے ریپ سانگ بنا ڈالا۔

بیس نومبر سے شروع ہونے والے فٹبال ورلڈ کپ میں 32 ممالک کی ٹیمیں حصہ لے رہی ہیں، جبکہ ایونٹ کا فائنل 18 دسمبر کو لوسیل اسٹیڈیم میں کھیلا جائے گا۔

اور جب تک فائنل نہیں ہوجاتا ملیر میں بھی میلہ لگا رہے گا۔