سابق وزیر داخلہ شیخ رشید احمد نے کہا کہ لوگوں کو غلط فہمی تھی کہ عمران خان 25 دن سمری پر بیٹھا رہے گا۔

شیخ رشید نے اپنی ٹویٹ میں لکھا کہ کہ اداروں نے بھی کہا ہے معاشی اورسیاسی عدم استحکام گھمبیر ہوگیا ہے، مزید لکھا کہ فوج نے سیاست سے دور رہنے کا حتمی فیصلہ کرلیا جو پی ڈی ایم کی سیاسی موت ہے۔

انہوں نے کہا کہ نیا آرمی چیف کسی سیاست دان کے ساتھ نہیں ملک اورعوام کے ساتھ کھڑا ہوگا اور سیاسی استحکام قبل ازوقت الیکشن سے آئے گا۔

شیخ رشید نے ٹویٹ میں مزید لکھا کہ نئی صبح اور نئے دن کا آغاز ہوگیا اور اب عوامی رائے عامہ اور توقعات کی تکمیل ہوگی، نئے اسکرپٹ میں معاشی سیاسی عدم استحکام اور دیوالیہ سے نجات کی کوشش ہوگی۔

ان کا کہنا تھا کہ عوام کے مسائل کی کسی کو فکر نہیں ہے، آج تین بجے لال حویلی میں پریس کانفرنس اور کل 12 بجے راشد شفیق کے ہمراہ حقیقی آزادی مارچ کی قیادت کروں گا۔