فیصل آباد کے ملت ٹاؤن میں 19 سالہ ٹک ٹاکر کے قتل کا ڈراپ سین ہوگیا، بڑے بھائی نے چھوٹے بھائی کو قتل کرنے کا اعتراف کرلیا۔

پولیس کے مطابق ملزم تیمور نے نامعلوم افراد کے حملہ کرنے کا ڈرامہ رچایا تھا، 18 روز بعد ملزم نے والد کے سامنے اعتراف جرم کرلیا۔

اس حوالے سے ملزم کا کہنا ہے کہ والدین چھوٹے بھائی سے زیادہ پیار کرتے تھے، حسد میں آکر قتل کردیا، چھوٹے بھائی کو گلے پر چھری چلا کر قتل کیا۔

ذرائع کے مطابق پولیس کے سامنے پیش ہونے سے قبل ملزم نے عبوری ضمانت بھی کروالی۔