ترجمان دفتر خارجہ کا کہنا ہے کہ بھارتی ریاست گجرات میں مسلمانوں کے قتل کی ذمہ دار بی جے پی ہے، مقبوضہ کشمیر میں انسانی حقوق کی پامالی بند کی جائے۔

ترجمان دفتر خارجہ ممتاز زہرا بلوچ نے ہفتہ وار بریفنگ دیتے یوئے بتایا کہ وزیر مملکت حنا ربانی کھر نے افغانستان کا دورہ کیا اور مختلف شعبوں میں تعاون پرتبادلہ خیال کیا۔

طالبان حکومت کے ساتھ کالعدم ٹی ٹی پی کا معاملہ اٹھانے کے سوال پر ترجمان دفترخارجہ نے کہا کہ حنا ربانی کھر نے تمام معاملات پر بات کی اور افغان حکومت نے اپنی سرزمین پاکستان کے خلاف استعمال نہ ہونےکی یقین دہانی کروائی۔

ترجمان نے کہا کہ بھارتی گجرات میں مسلمانوں کے قتل کی ذمہ دار بی جے پی ہے، بھارت مقبوضہ کشمیرمیں انسانی حقوق کی پامالی بند کرے۔

ترجمان کا کہنا تھا کہ عالمی دہشتگردی کیخلاف پاکستان نے تمام ممالک سے تعاون کیا۔