وفاقی حکومت نے وزرات خارجہ کے سینئیر افسر ڈاکٹر اسد مجید خان کو سیکریٹری وزارت خارجہ تعینات کر دیا۔

فارن سروسزپاکستان سے تعلق رکھنے والے اسد مجید خان گریڈ 22 کے افسر ہیں۔

ڈاکٹر اسد مجید خان اس وقت برسلز میں بیلجیئم، لکسمبرگ اور یورپین یونین کے لیے پاکستان کے سفیر کے طور پرخدمات سرانجام دے رہے ہیں، ڈاکٹر اسد مجید بیلجیئم سے پہلے امریکہ میں پاکستان کے سفیر تھے۔

انہوں نے ہی امریکی اسسٹینٹ سیکریٹری آف سٹیٹ ڈونلڈ لو سے اپنی ملاقات ہر دفتر خارجہ کو بذریعہ سائفر آگاہ کیا تھا، عمران خان نے ایک کاغذ لہراتے ہوئے اپنی حکومت کے خاتمے کا ذمہ دار غیرملکی سازش کو قرار دیا تھا۔