پاکستانی ڈرامہ انڈسٹری کی اداکارہ لائبہ خان نے عمرے کی سعادت حاصل کرلی ہے۔

انسٹاگرم پر لائبہ خان نے مسجد الحرام کی تصویر شیئر کرتے ہوئے کیپشن میں لکھا کہ الحمد اللہ۔۔۔میرا بچپن کا خواب پورا ہوگیا، میں اللہ کی بہت شکر گزار ہوں۔

یادرہے کہ لائبہ خان 2017 میں ماڈلنگ کے ذریعے اپنے کرئیر کا آغاز کیا تھا ۔

انہوں نے معروف ڈرامہ سیریل کیسی تیری خودغرضی ، دو بول سمیت متعدد ڈراموں میں اداکاری کے جوہر دکھائے ۔

ان دنوں اداکارہ جیو ٹی وی کے ڈرامے زندگی ایک پہیلی میں نظر آرہی ہیں ۔

اس سے قبل گزشتہ دنوں اداکار ہمایوں سعید نے بھی اپنی انسٹاگرام پوسٹ پر تصاویر شیئر کرتے ہوئے مداحوں کو یہ خبر دی تھی کہ وہ عمرے کیلئے مدینے سے مکہ روانہ ہورہے ہیں۔