صوابی میں کرکٹ میچ کے دوران زبانی تکرار پر فائرنگ سے تین افراد جاں بحق ہوگئے۔
صوابی کے علاقے کلا بٹ میں کرکٹ میچ کے دوران تلخ کلامی ہوئی جس پر ملزمان نے گھر کے سامنے فائرنگ کرکے باپ کو دو بیٹوں سمیت قتل کردیا۔
پولیس کے مطابق تھانہ ٹوپی کی حدود کلا بٹ میں کرکٹ میچ کے دوران زبانی تکرار پر فائرنگ سے تین افراد جاں بحق ہوگئے، تینوں باپ بیٹے ہیں۔
پولیس کا کہنا ہے کہ واقعے کے بعد ملزمان فرار ہوگئے جب کہ لاشیں ٹوپی اسپتال منتقل کرکے ملزمان کی تلاش شروع کردی گئی ہے۔
