کراچی کی انسداد دہشتگردی کی عدالت نے پاکستان تحریک انصاف کے رہنما حلیم عادل شیخ کی عبوری ضمانت منظور کرلی۔

کراچی کی انسداد دہشتگردی کی عدالت میں اپوزیشن لیڈرسندھ اسمبلی حلیم عادل شیخ کے خلاف زمینوں پر قبضے کیخلاف مقدمے پر سماعت ہوئی۔

عدالت نے حلیم عادل شیخ کی عبوری ضمانت منظورکرتے ہوئے تیس ہزارروپے کے مچلکے جمع کرانے کا حکم دیا۔

عدالت نے پولیس کوحلیم عادل شیخ کو گرفتاری سے بھی روک دیا۔