مشیر داخلہ پنجاب عمر سرفراز چیمہ کا کہنا ہے کہ توشاخانہ سے فرصت ملے تو ملک کی تباہی پر نظر دوڑالیں، حکومت معاشی تباہی سے توجہ ہٹانا چاہتی ہے۔

اپنے بیان میں عمر سرفراز چیمہ نے کہا کہ عمران خان نے توشاخانہ سے تحائف قانون کے مطابق لیے، حکومت میں ہمت ہے تو قوم کو توشہ خانہ کی مکمل تفصیلات دے۔

ان کا کہنا تھا کہ تمام ڈرامے بازیاں عمران خان کا بال بھی بیکا نہیں کرسکیں گی، آئندہ انتخابات میں ملک بھر میں کپتان کا بلا چلے گا۔

انہوں نے مزید کہا کہ کرپٹ پی ڈی ایم ٹولہ ناکام و نامراد رہے گا۔