پی ٹی آئی رہنما شیریں مزاری کے خاوند ڈاکٹر تابش حاضرانتقال کر گئے۔ والد کے انتقال پرصاحبزادی ایمان حاضرمزاری نے جذباتی ٹویٹ میں انہیں خراج عقیدت پیش کیا۔

ایمان مزاری نے ٹویٹ میں بتایاکہ ان کے والد ڈاکٹر تابش حاضر بہادری کے ساتھ کینسرکے مرض سے جنگ لڑنے کے بعد انہیں اکیلا چھوڑ گئے ہیں۔

ایمان نے اس بڑے صدمے پراپنے جذبات واحساسات کا اظہار کرتے ہوئے لکھا کہ والد کے بغیر زندگی جینے کا خیال ناقابل برداشت محسوس ہوتا ہے لیکن انہوں نے مضبوط ہونا سکھایا۔

انہوں نے لکھا، ’ خدا کا شکر ہے کہ وہ سکون میں ہیں، انہوں نے محبت، سکون اور ہنسی بانٹی۔ ابا آپ کا دل میرے دل میں دھڑکتا ہے’۔

ایمان نے مزید بتایا کہ والد نماز جنازہ آج شام 4 بجے ماڈل ٹاؤن لاہورمیں ادا کی جائے گی۔

ڈاکٹر تابش حاضر پیشے کے اعتبار سے ماہر امراضِ اطفال تھے۔